李克勤前晚在將軍澳一商場擔任聖誕亮燈嘉賓，明年約滿環球的他雖然未有透露去向，但他表示公司有譚詠麟和陳奕迅（Eason），陣容鼎盛，克勤更講明要與Eason明爭暗鬥，在音樂上擦出花火。
李克勤前晚出席將軍澳新都城「火熱舞動X'mas揭幕」聖誕亮燈儀式，在台上唱歌及與歌迷玩遊戲，場面熱鬧。克勤表示月中會往美加登台，問他會否出席年尾的頒獎禮，克勤說：「如果喺香港就一定會出席。」
明爭暗鬥
明年約滿環球的克勤去向如何？他說：「我一日仲喺環球，都唔會講轉會嘅事，因為仲收緊公司錢，會盡力為公司打仗。」問他是否年初約滿，克勤笑笑口說：「等我返去checkcheck先，有好多嘢唔係記得好清楚，唔知係年初、年中定年尾。」
克勤續稱目前環球有譚詠麟和陳奕迅，陣容十分鼎盛，他笑着說：「所以自己都唔想離開，咁樣講都係派定心丸，唔好咁尷尬。」他還指跟同公司的Eason在音樂上有火花，大家會明爭暗鬥，二人私下都有溝通，但有甚麼事，都會在球場上解決。
互惠互利
克勤表示答應前晚擔任亮燈嘉賓，是因為住所跟商場距離很近，他說：「因為自己屋企同呢個商場好近，幾分鐘車程，所以成日嚟買嘢。」司儀黎芷珊為搞氣氛即問在場觀眾：「有冇見過李克勤同李太（盧淑儀）嚟買嘢呀？」但現場市民沒有反應，克勤也只以笑作回應。克勤續稱商場會播放他的新碟至1月，所以大家在互相宣傳情況下，才答應出席亮燈儀式。
採訪：卓寶花
攝影：陳順禎
