早前被雜誌指胸部曾加工的關之琳（之之），昨日性感谷胸為水療中心主持開幕禮，並將紅酒倒入浴缸，浸着三點式女模。之之坦言無法對抗地心吸力，也怕整容失敗，全靠做運動養生護胸。
關之琳昨日以代言人身份，到中環為護膚品MarjorieBertagne水療中心主持開幕，她一身火紅MiuMiu裙，性感搶眼，更無懼走光，俯身將紅酒倒入浸住三點式模特兒的浴缸內。問關之琳為何浪費美好身材不穿泳裝上陣？之之笑住說：「唔使啦，我費事獻醜喇，我做過一千零一次喇（指曾拍纖體廣告），一生人一次就夠喇！比堅尼係我嘅極限。」
大導誘全裸
問到之之會否為藝術而犧牲，在電影中全裸上陣？她說：「唔會，我咁做就一定係黐咗線，中國人思想保守啲。試過香港有一個大導演搵我拍藝術片，但要全裸出鏡，我一聽就sayno！幾大導演都係咁話，其實性愛鏡頭，可以拍意識，唔一定要裸露。」
早前有雜誌指之之的胸部曾經加工，她聞言說：「啲報道又話我30萬打羊胎素啦，又話人工整胸，希望啲讀者聰明啲唔好信、唔好跟，每個人嘅生活方式唔同，保養方法又唔同，又唔提我做運動？我冇法子對抗地心吸力，不過我都唔會整容，怕失敗見唔到人，我鍾意自然。」至於會否打肉毒桿菌去皺紋？她搖搖頭說：「唔會喇，每個人都會生老病死，只要個人健健康康、亁亁淨淨、大大方方就OK，歲月係冇得對抗。」
唔過問情史
此外，另一主禮嘉賓鄭裕彤，被問到其長孫鄭志恆媾掂台灣女名模趙彤，鄭裕彤說：「順其自然啦，我唔知又唔問，佢從來都冇帶過一個女朋友返屋企，你哋叫佢帶畀我睇啦，總之佢鍾意就得喇！」
採訪：顏英儀 攝影：林德雄
