每年一度聖誕盛事亞洲遊戲展（AGS），今年提早咗響12月15日舉行，雖然係咁但仍無損佢嘅可觀性，事關大批高質素兼首度喺香港曝光嘅勁Game，全部都可以喺呢個展覽度親身試玩。其中主力當然就放喺全球被搶購一空嘅PS3身上，今年佢有超過廿隻作品任人玩，包括極受追捧嘅《GTHDConcept》同《VirtuaFighter5》等，留意佢哋一完騷就即刻飛返日本，有排都唔會再同香港機迷見面，齋玩PS3都足以值回票價！
記者：陳福榮
資深機友建議路線
小記訪問咗資深遊戲人福田，問佢去到AGS要點玩先至最醒，佢就話當然係以PS3芸芸大作為優先啦，始終佢哋之前都冇喺香港曝過光，加上好似《DMC4》咁有排都未會出住，排耐啲隊都要試吓喎！當然兩隻必玩嘅大作，就當然係《VF5》同《GTHDConcept》，試過佢哋你就知PS3有幾犀飛利㗎喇。