周中提供英超的熱刺過查爾頓，總算打破近期悶局，而熱刺場波幾有啓示，各賭波公司主客和開熱刺贏1.66至1.72倍，而亞洲盤則讓半/一，結果如賽前所料，好大機會係熱刺小勝格局，結果亦都係咁。
終於都過咗歐冠盃分組賽喇，各支名牌球隊最終亦都能夠順利晉級。焦點相信會落番聯賽，現時大家可以暫時唔使再為歐冠盃嘅包袱所困擾，大家會盡力響歇冬前全力以赴。
尤其係英超，喺近呢兩個賽季，差唔多12月就能夠分出勝負，今季曼聯𠵱家正處於聯賽榜領先嘅位置，今個星期主場嘅打吡戰又如何呢﹖
幾間主流博彩公司，包括馬會足智彩，從開盤到𠵱家不斷咁將主勝賠率調低，證明對曼聯的信任與支持。雖然近年曼徹斯特打吡戰，曼城的戰績無疑稍佔上風，但今時唔同往日，曼聯個勢實在太勁，睇上場歐冠盃贏賓菲加嘅表現就知啦。
熱刺主場可睇好
另外，就係熱刺主場對查爾頓，上場繼承傳統喺月頭第1場主場贏波後，已經可以忘記輸畀阿仙奴嘅痛楚。今次呢場倫敦小打吡戰，無論從往績或係近況睇嚟，都係要買主隊熱刺。
謝利
立博亞洲區首席博彩顧問
電郵：[email protected]