今季熱刺主場成績，同作客真係差天共地。熱刺主場就勁到曉飛，作客到𠵱家都未開齋！熱刺除咗輸過畀愛華頓外，近5場聯賽主場全勝，最勁係喺落後之下反勝車路士。如果連作客都有咁嘅表現，真係英超冠軍都有得攞！
熱刺今晚會對查爾頓。對手周中喺最後1分鐘先由艾卡高尼嘅罰球定江山，為新領隊列特帶來領軍首勝。不過到𠵱家，查爾頓都係攞過1分咁大把！上季佢哋對住熱刺主客都輸，兩軍往績同埋主客成績一併之下，真係冇得比！一於揀熱刺主W，1.5倍實冇甩拖。
保頓食住韋斯咸
保頓對韋斯咸一仗，保頓主場成績唔錯，而且對倫敦球會表現出色，分別揮低熱刺、屈福特以及阿仙奴，對住盟主車仔都係輸1球。雖然近4次主場保頓輸咗3次，不過唯一嘅勝仗，就係打低阿仙奴，呢點大家要留意喇！上季保頓同韋斯咸喺聯賽盃、足總盃同英超聯總共碰過5次頭，保頓取得3勝2和，聯賽更係主客全勝！近期韋斯咸運滯過保頓，保頓1.83倍嘅主W應該無問題。希望兩場大家可以執番多少！
阿鵬
有線球彩台主持
電郵：[email protected]