【記者蔡元貴報道】還有五日，Judy就要忍痛結束她與二十幾個囝囝囡囡的情緣。愛貓人Judy五年來一共收養過幾十隻流浪貓，全部住在銅鑼灣一個朋友的單位。朋友兩月前病逝，她無力支付租金，16隻貓急需熱心人收養，否則到了星期四交租期限屆滿，貓兒就要面臨人道毀滅的厄運。
再無力繳單位租金
Judy高峯期收容了39隻流浪貓。人貓情緣從五年前開始，有一次，Judy在油麻地餵貓：「我喺一間舖頭附近見到一隻貓BB，一手抱起佢，舖頭嘅人話隻貓俾人喺後巷掃出來，好可憐，叫我收咗佢。」就這樣，Judy成為了不能自拔的救貓天使：「我收養嘅貓，都係同我有緣，有啲係因為佢哋病咗，需要我照顧，有啲係佢哋一見到我就抱住唔放，冥冥中自有主宰。」
這些街貓一直住在銅鑼灣一個單位，是Judy一位好朋友借給她的。這位好友不幸於兩個月前病逝，Judy無力支付租金，她所住的公屋單位又不准養貓，16隻貓兒頓時失去居所：「我問過愛護動物協會嘅朋友，佢話即使愛協肯收容，但係咁多貓，好難搵人領養，到最後，都係難逃人道毀滅嘅命運。」單位需於星期四交吉，Judy必須在限期前找人收養貓兒：「我連樓下唔識得嘅街坊，都求佢哋收容，佢哋知道唔係名種貓，都唔肯收。」有心人可以致電：94664611查詢。