男歌手「老鼠」同「抑鬱女星」嘅戀情拖拖拉拉咗好幾年，不過佢話因性格不合而分手，但聽聞抑鬱女星其實好唔滿意老鼠爛滾。佢哋分手之後，老鼠索性約埋班朋友夜夜笙歌，講到出去玩，就當然唔少得劈酒、猜枚同媾女三部曲嘞。
即時冇friend做
關仁有個朋友以前同老鼠係好兄弟，早排佢哋又約埋一齊夜蒲，好兄弟就帶埋女友去，點知飲大兩杯嘅老鼠同好兄弟嘅女友竟然過晒電，仲即場上演一場姣婆遇上脂粉客，一邊猜枚，一邊咬耳仔，簡直當好兄弟冇到，睇到好兄弟火都嚟埋，塊面黑過鑊底，後嚟聽講老鼠同好兄弟仲因此而疏遠咗㖭。關仁覺得老鼠雖然內心好寂寞，不過勾義嫂呢家嘢絕對唔啱，你估真係「朋友妻，咪走雞」咩！
Textby關仁