梁詠琪（GiGi）昨日到觀塘宣傳港台節目《一家人》時，跟市民分享和家人相處之道。GiGi表示和母親非常要好，她說：「有一次媽咪做咗件令我好感動嘅事，因為嗰排我成日要飛，有一次就算返到香港機場都唔可以返屋企，仲要即刻喺機場轉機，媽咪知道有一段時間見唔到我，就煲定湯送嚟機場畀我飲，雖然我已經飛到好攰，但係眼淚即時標晒出嚟。」
開解失戀痛
GiGi表示和母親無所不談，彼此猶如一對好姐妹，至於她和鄭伊健分手，GiGi表示母親開解了她不少，她說：「反而媽咪覺得冇嘢，好平常心，佢話再搵過囉，結束唔係壞事，係新嘅開始。」
不過當提到母親是否滿意其法籍男友Sly時，GiGi就表現避忌，她說：「唔好研究，媽咪都未表態，總之以我同家人嘅關係，佢哋會支持我，反而𠵱家我心急媽咪嘅第二春，因為我驚佢寂寞，𠵱家我都幫佢物色緊。」
此外，GiGi前日到上海出席時裝品牌活動時，透露其泰國女歌迷患病需要接受手術，令她十分擔心。
採訪、攝影：駱華齡
