【本報訊】「哥哥買啲嘢畀你食好唔好……？」在觀塘伴母屍案中，捱餓大半天的6歲男童，因驚慌過度神情呆滯，權充臨時保母的救護員關家洛想盡辦法與男童溝通，但他都毫無反應。其後這名熱心救護員憑愛心牛腩麵打動男童，並細心地餵他吃麵，男童終打開心扉，說出令人心酸的話：「晏晝同夜晚嗰餐都未食……」
從事救護工作已10年的29歲救護員關家洛，負責駕駛救護車，對於自己買麵餵飢童的行為，謙稱當時只是做應做的事。「個細路咁慘，唔好話喺救護員，任何人見到呢件事都會伸出援手。」他說「當晚天氣幾凍，諗住食麵會暖身啲，咪買麵返嚟畀個細路食，佢啲麵熱，我就教佢點食同埋餵佢食。」家洛的行為獲女友盛讚，指他平時已很熱心助人，今次件事「好感人」。
初時合嘴不肯回應
原派駐沙田救護站的家洛，當晚駕駛救護車與兩同袍接獲通知往觀塘道處理一宗有人食藥昏迷案件。「到場嗰陣道門打開咗，個女人瞓喺地下，個細路企喺門口唔出聲。」由於女子已證實死亡，家洛的上級與警員進行交接期間，男童步出走廊時似很驚恐，家洛遂上前安慰及照顧他。但男童合嘴不語，家洛問他甚麼都不獲回應，甚至問「你（男童）食咗嘢未？佢都唔答」，其後再問：「哥哥買嘢畀你食好唔好？佢先答好。」
家洛隨即到附近麵舖用十多元購買一碗牛腩麵再折返給男童充飢。由於「碗麵好熱，細路又好似唔識揸筷子，咪教佢點揸筷子同夾起啲麵吹凍，然後餵佢食。」沒料到會被記者拍攝下這感人的一幕。家洛說，他只是敬業樂業，在做應做的事，「自己攞個心嚟做嘢，唔求有乜回報。」
案中女死者黃家齊（39歲），大前晚被友人發現在觀塘道住所內服食過量軟性毒品死去，其6歲兒子伴母屍旁，場面令人心酸。