今時今日，女性地位愈來愈高，連荷李活電影亦大兜轉，將傳統美國漫畫英雄超人，由男版變成女版，拍成呢套《超女．強勢回歸》，今個星期新返3區DVD碟，想睇女版超人點樣發威，就記得留意，包你笑餐飽！
記者：許福合
《超女．強勢回歸》逐格睇
初次遇上
話說戇男麥素達（魯克韋遜）久未有女友，被損友推波助瀾，向陌生女人約會，梗係食檸檬喇。呢個時候，竟有小賊搶女人手袋，麥素達義不容辭，勇字當頭死追！
「幫手捉住前面個賊！」叫人幫手，不過無人理佢。
「砰!」小賊被車撞倒，麥素達衝前執番個手袋，大罵：「死小偷，睇你仲夠唔夠膽搶嘢，問你怕未！」
昅嘢斷正
麥素達與安娜花莉絲係同事亦係好朋友，安娜樣靚身材正，麥素達有機會自然會睇個夠本，誰知今次斷正。
初次約會
避過官非，珍妮打電話給麥素達約食飯。兩人食飯途中，附近大廈竟然發生火警。
說明身份
珍妮同麥素達行埋一段時間之後，覺得要對佢說明自己一個最大秘密。
解釋超能力之源
超女G危機
貝林教授拎咗珍妮嘅頭髮，立即開始測試，配合多年研究，果然有成果。
分手變仇人
當知道麥素達想分手……
超女G雙重打擊
超女G被貝林的怪石攻擊，身陷險境，同時更被男友出賣，佢會點做？有無生命危險？
欲知後事，買隻DVD睇就知道。
Bonus內容豐富
雖然電影本身唔算大製作，不過Bonus內容都叫做交足功果，落足料，有齊主角同導演訪問，比較好睇係刪剪片段同製作花絮，前者可以睇番珍妮同貝林細個時交往片段，正場內容呢段係Cut晒，交代得好唔清楚。至於製作花絮最過癮係睇到末段出現鯊魚，原來係用上電腦特技設計，難怪咁真實生動，加埋加插電影MTV，BONUS都算足料抵睇。
動作片可買1區DVD
1區（$180）比3區（$129）早出幾星期，碟舖就話聲畫都比3區好些少。
售賣點：DVDPro