童愛玲、陳沛嘉、馬詩慧、榮雪梅及黃家諾昨日到澳門出席「TheSalonatWynnbyPrivatei」開幕禮，獲頒美容形像大獎。童愛玲透露由於赴澳未能返台灣投票選市長，她說：「好傷心呀，我係藍營支持者，想投郝龍斌或者宋楚瑜。阿扁（陳水扁）真係要落台，佢快啲返屋企啦！嗰時佢話查到有貪污就落台，之後又話要判有罪先落台，個人好厚面皮呀！」
童愛玲愈說愈激動：「其實唔一定要國民黨，只要係一個令台灣人民生活好啲嘅就得，我小時候，人哋話國民黨貪污，但至少國泰民安；𠵱家畀咗民進黨八年時間，就愈嚟愈多人失業，我好多朋友都由美國、世界各地飛返台灣投票。」
另外，黃家諾早前被本報踢爆與高妹行蘇豪睇傢俬，他直認對方是好朋友，他說：「我啱啱搬咗屋要買嘢，感情生活唔使多解釋，有女人喺身邊都唔係壞事呀，高過我都唔會介意。」有雜誌指其舊愛關之琳胸部曾加工，黃家諾說：「冇留意新聞喎，呢啲雜誌只可以信十分一。」
採訪、攝影：RitaLeung