06年就快成過去，忙於認購新股嘅投資者，千萬唔好畀新股沖昏頭腦，新股潮總有過去嘅一天，係時候坐底諗下明年投資邊隻股！《Yahoo！討論區》嘅會員，最近就分享過2007年嘅五大心水股。睇吓你哋同唔同意。
網友「夢想‧隱形富豪」會選擇：中石油（857）、宏利金融（945）、玖龍紙業（2689）、滙豐控股（005）、光大國際（257）。
EverTheBest亦選咗5隻，而且仲講埋原因。佢話：「中石油──股神至愛、錦江酒店（2006）──中國酒店股龍頭、金威啤酒（124）──最落後啤酒股、工商銀行（1398）──中國銀行股龍頭，仲有順龍控股（361）──股壇長毛至愛。」
網民揀選呢幾隻股，有唔少都係06年度焦點股，城大商學院工商管理碩士課程主任曾淵滄就選咗以下5隻股票供網民同讀者參考：滙控──因為揸了很多年、中石油──當然選擇、中國人壽（2628）──中國壽險市場基數仍細、交通銀行（3328）──靜候08年被滙控收購的佳音、港交所（388）──新股排隊上市，必定受惠。