聯合國《世界城市狀況》報告指出，隨着貧窮國家迅速城市化，明年全球每3個人，就有1人居住係犯罪活動猖獗、面積狹小、服務欠佳嘅貧民窟。除非各國致力改善窮人的居住環境，否則到2020年，全球會有多達14億人住係城市貧民窟，遠多過現時10億人。
喺《MSN討論區》，有人不滿美國貧富懸殊問題嚴重。網民wiseman69話，美國超過五成人每年收入只有3萬美元（約23.3萬港元）或以下，所以當地有錢人應該交多啲稅，咁樣呢個世界會更加公平，美國經濟又唔會受損。
不過，Phil5185反駁說，喺美國每年收入少過3.5萬美元嘅家庭，幾乎唔使交稅，而每年收入高達15萬美元嘅家庭，要畀超過3萬美元稅款。yomoney亦有同感，佢話全美國搵錢最多嘅5%人口，已承擔全國近六成聯邦稅款。
spell慨歎，其實美國中產階級嘅生活亦唔好過，佢哋要借好多錢先至可支付日常生活開支，隨着樓價下跌，唔少中產會變成負資產，而且會畀銀行收樓，被迫大屋搬細屋。
事實上，美國貧民化也靜悄悄地上演，根據美國法院資料，截至今年3月底的12個月，當地有近180萬宗涉及個人或企
業破產申請，按年增加了12.8%。