曼徹斯特打吡，加上車路士對阿仙奴，應該好睇。不過，曼聯車仔已領放一大段，加上論實力、鬥心，真係高下立見！
不論以上對話是真是假，都值得各位球迷深思。先講曼聯對曼城，論近況、實力，紅魔根本毋須對方放水，已可以輕易擊敗對手，呢場主客和穩贏，1.28倍，小小哋，贏咗咪當馬會請食下午茶囉！至於車仔，因為我係球迷，點都撐愛隊，亦諗唔到阿仙奴贏嘅理由！
不來梅機不可失
大家如果有留意德甲，好多球隊歇冬前後嘅表現隨時輸死人，大家小心！雲達不來梅歐冠盃出局，可以專心聯賽，不過歇冬期快到，我都有啲擔心佢哋持久力不足，所以呢幾個星期，應該有幾多執幾多！今晚作客法蘭克福，1.7倍幾好㗎！
另外，西維爾上場輸畀愛斯賓奴，真係諗唔明，呢隊波太難捉啦！所以呢場對皇馬，我估入球「大」算啦，論進攻，合力入3球，一啲都唔過份！
周鵬
商業1台《球迷集中贏》主持
電郵：[email protected]