周汶錡的母親早前疑被人硬闖家中拍照，前晚她與琦琦等在北京出席配飾活動，獲安排入住梁詠琪曾遭擅闖房間的酒店。問周汶錡可擔心有人闖入其房間？她無奈說「肉隨砧板上」，琦琦則笑言要將內衣褲鎖入夾萬。
配飾品牌Artini前晚在北京舉行「仲夏夜之夢」晚宴，慶祝旗下全新品牌Q'ggle面世，周汶錡、黃伊汶及母親、寇鴻萍、葉童夫婦、范冰冰和胡兵等捧場，在香港久未露面的謝瑞麟，也帶同二姨太張美琳及女兒謝穎婷做座上客。
「都唔係第一次喇」
周汶錡母親早前疑遭人硬闖家中拍照，前晚眾星獲安排入住梁詠琪（GiGi）曾遭硬闖房間的中國大飯店。問周汶錡可怕被人擅闖房間或摷垃圾？她說：「冇用㗎，就算我退房前清理晒啲垃圾，都會俾佢哋反番轉，我係肉隨砧板上。」問到其母情況，她說：「媽咪𠵱家OK啦，其實都幾驚㗎，都唔係第一次喇，搬走？我諗冇呢個需要囉！」
至於品牌代言人琦琦穿上一條BonitaCheung設計的長拖尾金裙出場，更有保安開路，非常華麗大方，但人算不如天算，竟遭公關踩住裙腳，令她尷尬萬分。
扮送文件探頭入屋
琦琦透露曾遭怪客入屋，她說：「以前試過隔籬屋裝修，俾人知我哋住喺度，有次有人扮送文件按門鐘，我工人又唔知照開門，對方一開門就伸個頭入嚟，通屋四圍昅，唔知乜嘢目的，搞到我哋全屋人都提心吊膽。𠵱家平日都拉晒窗簾，淨係開走廊燈。」
提到獲安排入住GiGi曾出事的酒店，琦琦笑言：「我要將啲內衣褲鎖入夾萬！」任達華專程到北京12小時陪太太，他表示擔心家人安危，但因覺香港是個好地方，所以不考慮移民。
此外，周汶錡昨日趕返港出席EsteeLauder沙田新店開幕，被問到雜誌刊登模特兒的飯局肉價，她說：「好無聊呀！好彩今次冇我份，我唔會再回應，每次有雜誌亂寫就嚟問我，我豈不是冇時間做其他事？」
採訪：GeneNg、JessicaNgan
攝影：JingChan、MatthewLam
