足球評述員界實在極度陽盛陰衰，上星期由評述員對晨曦B隊嘅一場友賽，全場只得我一個女仔，當然我冇落場，球技連小學生都不如嘅我，都係做臨時攝記好啲。
細鬼山度士寶刀未老
評述員來自唔同電視台；而晨曦B隊竟然有曾志偉、山度士落場。未到球場，我已經不斷問點解晨曦B隊會有曾志偉？B隊唔係即係「ReserveTeam」咩？好似曼聯嘅馬田李爾、吉遜咁，踢幾年B隊等提升上A隊。唔通曾志偉同山度士幾年後會踢甲組？
最緊要係當日睇到場高水平嘅業餘波，場上差唔多每個都係有波底之人，而足球台嘅「細鬼」兄寶刀未老，放波落點準繩度高，若果唔係踢前鋒嗰位同事把握力低（基於人身安全，唔可以透露係邊個），評述員隊早就遙遙領先。除咗「細鬼」，對方嘅山度士球技當然出眾啦！若果我早啲學識睇波，佢哋當年踢甲組嘅雄姿，肯定把我迷倒。
雖然見到多位前甲組腳踢波教我眼界大開，但在男人群中只得我一個女性，感覺始終都有啲唔自然。
WENDY
由歐國盃EuroBabes，變身球彩台受歡迎主持。