組合2R前晚在灣仔一間酒吧表演，吸引不少酒客舉機拍照。兩人表示正為內地電視台拍攝一個介紹香港新奇事物及地方的特輯，但日前她們到銅鑼灣一間樓上內衣店拍攝時卻遇上不快事件。
家姐Rosanne說：「間內衣店係賣日本入口貨，啲sales都着住Lolita衫。當時佢哋閂門唔做生意，畀我哋拍攝，點知突然有個大約30幾歲嘅男人衝入嚟，話要買內衣畀女朋友，仲叫我同妹妹幫佢揀。」
曾收T-back底褲
Rosanne續說：「當時個sales話幫佢，不過個男人望住我兩個，然後話：『唔使喇，我女朋友嘅size同佢哋差唔多，叫佢哋揀啦！』我覺得畀人用眼神同言語抽咗水。」
Rosanne又謂於21歲那年曾收過T-back作生日禮物，Race就說：「如果唔係鍾意嘅男仔送嘅底褲，着咗都唔舒服，因為呢啲係好私人嘅嘢。」
採訪、攝影：李珮洳