「大家贊唔贊成地鐵唔俾講電話？」網友wingo666在UwantsForum發起投票，百多名網友表態，七成半人反對，兩成半人贊成，雖然不少人飽受地鐵乘客講電話噪音滋擾，然而兩害取其輕，搭地鐵時不能不傾電話。
發起這次投票的wingo666自言是受害者，他說有日下班後坐地鐵，坐在身旁的女士全程車都在講電話，「經過十多分鐘嘅車程，我對佢公司日常運作、人事關係都已經有一個清楚嘅認識！」他質疑為何有人愛公開私隱，「好似日本咁唔好喺地鐵講電話就好，而且實行咗，啲港男就唔敢隨便拎個電話出嚟影相啦。」
暫時投票結果顯示，香港人始終愛傾電話，muppet力排眾議，「我贊成好似九鐵咁，將某啲車卡闢為靜音車廂。」tommy稱講電話不應太大聲同「煲粥」。QQilky強烈反對，「啲男朋友出去滾咪多個藉口，話喺地鐵入面唔開得電話！」