日本偶像女歌手松浦亞彌前日到咗台灣，噚日下晝舉行咗首次海外歌迷聚會。松浦噚日下午喺台北青少年娛樂中心嘅首次海外歌迷聚會，近距離同500名fans接觸。佢一身短褲襯白色長靴，打扮可愛，又擺起可愛甫士，冧暈唔少fans。全場笑容滿面嘅佢仲興舉行握手會，又即場穿上fans所送、印上「松浦社長」嘅T恤㖭。完成所有宣傳之後，松浦會喺今日下晝返日本。