「女仔一定要有個LV?」網友ling1126ling不知何故有點感慨地在香港討論區提出這個問題,他沒有提出個人答案,其他人卻反應熱烈,在一個物質至上、物慾無窮的社會,一個名牌手袋對女孩子有多重要?v6v坦言,「不一定要有男友,但無一個名牌袋傍身會死啊!」
對物慾強的「慾女」來說,名牌手袋是必需品,網友「青B.NET」說,「我諗一生人總要有一個。」demio03表示,他的女朋友已擁有三個LV手袋,但仍然想買更多個;pepoy認為女孩子「實想要㗎啦,又唔係唔靚,同埋實用嘛,一個LV用好多年都得。」
中女則對名牌手袋另有體會,leonchan0618指出,19歲以下的女孩較注意物質,認為必須有個LV傍身,「但大個啲,認識多啲其他牌子時就唔會咁諗。」ashleyku也說,「細個嗰陣就會覺得女仔一人要有一個LV,但係大個咗就唔會咁諗。」patricksiu1985表示,手袋牌子不拘,最重要是與打扮配合「襯到成個look就ok!」
「啲人用cheap晒」
一些反名牌手袋分子對此不以為然,水水548稱自己從來不用LV,「啲人用cheap晒!好心啦,唔係人人都襯用LV㗎,襯到九唔搭八。」ball619說,「我冇LV,唔通咁就唔係女仔咩?」fathoz指用名牌手袋只是虛榮心問題,「冇名牌唔見得你會死。」