經常唱情歌嘅韓國歌手TEI，噚日凌晨時分揸車載經理人返屋企途中，喺京畿道富平同一架的士相撞，車頭嚴重損毀，好彩TEI只係受輕傷，已經送咗入院接受治療。佢所屬嘅經理人公司發言人話TEI最近因為忙於籌備下月推出嘅新碟而睡眠不足，事發當晚已經建議佢唔好揸車。發言人又話當知道消息時眼都凸埋，好彩意外冇嚴重人命傷亡，TEI總算執番身彩。