雲佬一走，群魔亂舞！曼聯今季雖有前神射手雲尼斯達萊離隊，但毫不影響攻力，暫以35球成為英超入球最多球隊，而且分布甚為平均，顯示前中後3線各有破關本錢。
朗尼愛「起孖」
曼聯今季聯賽已攻入35球，平均每仗取得約2.19球，剔除1球烏龍球外，前鋒仍然是入球最大泉源；曼聯今季只有朗尼、沙夏和蘇斯克查3個前鋒有入波，不過3人已合力攻入18球，佔球隊約53%，朗尼與沙夏更各以7個入球，成為球隊首席射手；要留意朗尼仔今季聯賽「一係唔入，一係就入兩球或以上」，信數據的話，當朗尼取得第1個入球，即場波膽不妨博曼聯繼續有波入的波膽。
曼聯中場是第2大入球勢力，當然基斯坦奴朗拿度（C朗拿度）得到費格遜「鞭策」，以5個入球成為球隊第3號射手；不過季初高價加盟的中場卡域克，就較令人失望，至今仍然未開齋。
紅魔鬼後防今季亦甚有入波命，眾後防共攻入6球，里奧費廸南、尼曼查維廸、施維斯達、艾拉、奧沙均已開齋，喜歡扒冷「首球」球迷亦宜備忘。
文：牽牛