各處鄉村各處例，辦公室的衣着準則dresscode也有標準，網友mschanchan前日改變形象，以T恤襯牛仔裙，再配搭實色格仔紋絲襪及布鞋上班，怎知青春打扮惹來老姑婆同事單單打打，寸她懶性感，「佢哋由朝早講到放工，一唱一和話我着魚網絲襪喎。」
這兩名多口女同事均年逾三十，受了寃屈氣的mschanchan在網上發洩不滿，「佢哋又冇女人味，樣又唔得，衫又唔識着，成個大陸落嚟咁，拎LV都成個深圳A貨咁。」網友們加入討論，carrieclaire稱，「老女人係咁㗎嘞，我好明白你感受。」
網民hk2006gov認為最重要是公司有沒有dresscode指引，「如果你公司沒有說明要怎麼打扮，怎樣着都是你的自由。」
genkipeoples表示女仔上班打扮不應太性感，「其實辦公室係做嘢嘅地方，着得咁性感啲男同事會分心，做錯嘢。」