今日8場西甲聯，除直播秩序馬德里體育會值得看好之外，塔拉戈納這支排榜尾連場的不勝「升班馬」，分分鐘以2.4倍半冷W彈出，「主客和」或者「讓球」都值得球迷留意。
印象中，塔拉戈納這支升班馬，都好可能是近年升班後開季成績最差的隊伍。迄今13輪秩序，除咗開「咧」首仗作客贏愛斯賓奴1:0外，之後至今12場聯賽就未再享受過勝利喜悅，更輸足其中10場！
平手盤再追多次
西甲聯其實是一個幾特別的聯賽，就算下游分子或者升班馬等整體實力較次的球隊，由於踢法上跟其他隊伍分別唔大，都是講求控球及組織傳送能力；強隊有本錢打強攻，弱隊亦常見能夠打出不錯的反擊效率。所以好多時睇巴塞隆拿及皇家馬德里的直播賽事，見到對面負隅頑抗的弱旅對手，都踢得有板有眼；球隊之間無其他聯賽有太多相剋情況出現，就算牌面實力幾弱的球隊，對住實力不太超卓、瓣數較少的球隊，都有得打！
塔拉戈納近12場聯賽不勝走勢當中，場上表現其實愈見向好，開不到W只係經驗及運氣的問題；記得對上一場主場賽事，對馬略卡，同今日一樣平手盤，華度已叫捧塔拉戈納，果然半場領先對手1:0，誰知全場反敗2:3。既然有料到，就不怕追多次，今日又逢「平手盤」，作客的利雲特亦無穩勝本錢，穩陣博「讓球」主隊，或者用2.4倍主W作過關冷腳。文：華度