剛從多哈出席第15屆亞運開幕典禮回港的張學友，昨日為其菲傭偷竊其私人物品的案件到法庭作供，他雖否認心情緊張，但記者在庭上看到正襟危坐的他，不時做出一些小動作。
張學友昨站在證人台上，瞇起雙眼看着宣誓牌的字慢慢讀出誓詞，其後裁判官向他解釋要大聲作供，他緊張到站起來。至他被辯方盤問時，又不時在證人座位上搖頭鬆頸，面對辯方律師窮追猛打，更皺眉相向。
未進庭前，記者問學友心情如何？他輕鬆謂：「我嚟做證人之嘛，其實都唔係我告佢，係警方告佢，希望唔好搞咁耐啦，我都係第一次做證人。」其後他的律師朋友叫他不要透露案情，學友便說：「都係唔方便講咁多。」
學友被問到關於日期的問題時，他大多答不太記得，當他離開法庭時，問他是否緊張所致，他說：「唔係呀。」講到他對於律師很多提問都說不太記得，學友說：「咁我發咗誓，又唔想有啲錯嘅訊息。」他透露原本做完證人後便往看女兒在學校的表演，但離開法庭時已差不多下午一時，學友謂：「個女都放咗學，睇唔到佢表演。」
本報記者