「今日凈係講民安…今日凈係講民安…」長實集團副主席李澤鉅日前出席做保險嘅民安控股推介會，面對記者多方提問時，不斷地重複話只會回答有關民安嘅問題，不過，講來講去，都係強調民安喺內地嘅保險牌。
華華翻開民安本初步招股文件，赫然發現佢哋條數似乎有啲問題，公司預期06年稅後盈利將不少於2.54億元，比較05年同期下跌124%！
華華有兩個疑團，究竟跌幅點解可以超過100個巴仙呢，吓？仲有，如果05年盈利為5.7億元嘅話，咁06年純利豈非亦會跌成55%？真相係點，正式招股文件出咗後，先至一清二楚。
另外，聽聞民安控股捐咗100萬畀公益金，攞住個靚冧巴「1389」，取其意頭「一生發夠」，同工行嘅「1398」只差少少，大家要留意喇。