廖碧兒早前穿上性感背心接受雜誌《Him》專訪，將其熱情開朗的性格表露無遺。被問到對自己演過的哪個角色印象最深刻時，她說：「一定係《皆大歡喜》嘅公主角色，因為好深入民心，同埋係第一個角色。而之前演嘅《凶城計》角色都好深刻，因為角色性格發展極端，心理狀態變化大，演出時自己嘅情緒都比較多。」
「香港人好緊張」
問到廖碧兒可想念昔日的平常人生活，她坦言非常懷念，並說：「因為我之前係學生，住喺宿舍，喺校園嘅社區入面人人平等，最大嘅壓力都係考試，每日都過得好開心。」
入行初期有否不適應香港的生活，廖碧兒說：「我反而覺得香港人好緊張，做乜嘢都快，而且唔會放鬆自己，不過我入行5年已開始適應，加上我養咗兩隻狗仔，佢哋好識𠱁我開心，我覺得冇乜嘢問題。」
撰文：丁寧