曾志偉前晚與一班千金小姐到將軍澳電視廣播城，為今晚舉行的《歡樂滿東華》綵排「愛心獎門擲千金」項目，眾人先練習開場歌舞，千金小姐們要躺在地上做人肉車輪，160磅的志偉十足人肉坦克車壓在眾女上，讓她們傳送，只見他被翻來翻去，千金們則辛苦得面容扭曲。
「辛苦過扮肥姐」
事後問志偉有何感覺，他笑說像現代版木馬屠城記，他說：「正式時係有塊板墊住我㗎，我冇乜感覺，滿足大家啫，我俾監製呃咗，起初以為係玩大長碌，今次真係試過都嗌救命，好辛苦㗎，對我嚟講係劇烈運動。」問志偉有否碰到甚麼，他說：「皮帶同荷包囉，我壓上去佢哋都辛苦。」覺得享受嗎？他說：「唔記得呢啲，大家都有損傷，係互相損耗，初初個個都𠵱嘩鬼叫，辛苦過扮肥姐（沈殿霞）呀。」
採訪、攝影：王崇穎