新婚不久的李克勤前日三十九歲生日，他演出《勁歌金曲》時現場播放結婚進行曲，節目尾聲時又獲送贈蛋糕及生日歌慶祝，提到有傳他今年沒機會奪得無綫的男歌星大獎，克勤表示今年出了兩張全港最賣得的唱片，對自己充滿信心，故未到最後一刻都未知勝負。
李克勤、張崇基、張崇德、謝安琪、森森及斑斑前晚在將軍澳電視廣播城演出《勁歌金曲》，克勤前日三十九歲生日，他的新歌《天水．圍城》登上本周勁歌金榜的冠軍位置，他甫出場即播出結婚進行曲，完場時主持們又捧出生日蛋糕為他慶祝，歌迷們也爭相找他簽名及送上生日利是。
海南島度蜜月
克勤謂今年生日在工作中度過，收工後便返家吃飯與家人慶祝，他說：「我年年都做嘢過生日㗎，𠵱家咁多狗仔隊跟我，我都習慣唔出街。」克勤的生日願望是身體健康，他謂稍後要出埠登台，聖誕才回港。
克勤上月底與盧淑儀結婚後離港數日，問他是否往度蜜月及註冊，他說：「係去咗海南島兩日，因為阿叻生日，四、五十人一齊去玩，我一早預咗結婚後留喺香港，等風聲冇咁緊先去度蜜月，希望唔使等到2008年啦，結咗婚都好似偷情咁呀。」
有傳克勤因推卻無綫播放其婚禮實況的要求，以致沒機會奪得今年最受歡迎男歌星獎，他謂：「陳志雲都解釋咗，一個咁位高權重嘅人都講咗，我唔使再解釋啦，未到最後一刻都未知結果。」問他會否打定輸數，克勤說：「我係一個有信心嘅人，會以平常心去面對，總之今年我出咗兩張全港最賣得嘅唱片，或者計分方法同賣碟唔成正比啩。」問克勤會否睇好古巨基得獎，他說：「個個都係好朋友，如果你問我邊個係第一，一定係劉德華。」
張崇德將添丁
張崇德與劉美娟年前曾育有一子，惜出生後二十四小時便夭折，張崇德前晚透露太太現已懷有七個月身孕，預產期在明年二月，問到今次會否小心護理嬰兒，張崇德說：「好多人對劉美娟有誤解，以為係陀仔有問題先出事，咁對佢好唔公平，我唔想講咁多，交晒畀律師處理，唔知點解醫院到𠵱家都冇答案畀到我哋，我一直好似金田一查案咁，我只想還佢一個公道。」問到會否對生仔有陰影？他說：「有就唔生啦，我哋冇陰影，但一世唔會忘記。」
採訪：王崇穎
攝影：仇志德
