【本報訊】「第日如果有個苦主想喺紅磡出殯，想唔幫襯世界（殯儀館）都幾難啦……」本港殯儀業界20多名負責人，不滿食物環境衞生署上月底以招標方式，將紅磡永恒殯儀館的經營權，以較往昔暴漲3.6倍的152萬元月租，交給紅磡世界殯儀館經營，擔心本身有售賣棺木的世界殯儀館，從此壟斷了紅磡區的殯儀房間，業界日後難以租用之餘，房間勢必加價，市民是最終受害者。
政府被斥不顧平衡
本港殯儀業商會理事長吳耀棠透露，全港20多名長生店的負責人昨日就世界殯儀館上月29日中標經營永恒殯儀館問題召開會議；與會業界人士指，紅磡區以往只有世界、永恒和萬國三家殯儀館，如今對其中兩間落入同一經營者手中，感到憂慮。
吳耀棠說：「永恒前身係政府嘅市政殯儀，原本免費供市民使用，永恒接手後大部份房間都租畀市民用，但𠵱家世界做咗之後，可以攞出嚟嘅房間肯定比永恒少，我哋要租都好難，佢一間世界以前一日做滿晒有二十幾單，𠵱家佢要埋永恒，有棺木賣又有禮堂，對其他長生店嘅打擊好大，第日喺佢度買棺材可以包埋間房。」
與會代表批評政府這次招標之前，根本無考慮到平衡問題。