徐子淇與豪門公子的李家誠下周五結婚，究竟二人命格是否相合，婚禮日期及地點又會否影響到他們的婚姻？記者昨日就此事查詢堪輿學家區仲德師傅，區師傅說：「徐子淇狗年出世，命格屬木，其實係命弱一啲，要有木火扶持，而今年係狗年，同佢本身生肖相迎，同時今年係財官帶貴人年，財即係錢財，官即係丈夫，所以其實今年下半年係好有利佢嫁畀有錢老公。
「結婚日子都冇問題，不過有好有唔好，雖然佢男友係屬豬，同狗相迎，而且係長生貴人，對子淇有幫助，但今年豬狗係侵凌局，即係水火相沖，子淇係水而男友係火，水強就火弱，結婚之後可能經常會俾丈夫挑剔，如果佢去南邊嘅地方結婚就會對佢好啲。」