陳煒在新片《提防老千》中與王晶有火辣床上戲外，還與張家輝有情慾鏡頭。已為人夫的家輝表示暫未能適應演親熱戲，故拍攝當日顯得十分尷尬，幸好老婆關詠荷大方，從沒介意他拍這類戲，相反他卻反對老婆拍親熱戲。
由王晶主演兼執導，張家輝和陳煒擔任主角的新片《提防老千》昨日上映，該片雖然以賭為主，但加演多場親熱場面，緋聞男女王晶與陳煒有不少性愛鏡頭，兩人當然表現得相當自然，但家輝不知是否有避忌，他與陳煒演一場被引誘場面時，NG多次才能完成。
家輝演戲多年，但他甚少演出親熱戲，他笑說：「唔知係咪我拍慣喜劇同老千片，形象唔似拍談情戲，所以好少導演會搵我拍呢類戲。其實我唔係咁鍾意拍，不過如果劇情真係有需要，我都唔會介意，不過老婆（關詠荷）拍呢啲戲，我就唔係咁鍾意，所以我成日叫老婆如無必要，最好唔拍啦！」
計劃約滿外闖
家輝續說：「我記得幾年前老婆同歐陽震華拍劇集《醉打金枝》時，真係演到好以兩公婆咁恩愛，當時開住電視成日睇到啲宣傳片，真係睇到眼火爆，但我愈嬲，老婆就好似好開心咁，真係俾佢激死。」
明年家輝約滿寰亞旗下的紅館經理人公司，問他何去何從？他說：「如無意外，我想試吓向外闖，希望可以有唔同嘅發展。其實林建岳係好老闆，畀旗下藝人好大自由度，但公司大未必配合到每個藝人嘅需要，所以我想走出去闖闖。」
撰文：葉雪
