陳法拉、AmandaS.及唐文龍等前晚在尖沙嘴出席人頭馬洋酒派對，黃瑩、陳文靜與王從希齊穿上懷舊金色露背短裙亮相，力撼以性感tubedress示人的陳法拉。
問陳法拉可會相約緋聞男友兼Neway卡拉OK太子爺薛世恒共度聖誕？她笑說：「冇啦，咁耐嘅事，我呢排唔唱K喇，我要做嘢！」低胸上陣的陳法拉前晚還吸引了愛找女藝人拍合照的退休律師曾權威不停地要求合照，他還說：「我等咗佢（陳法拉）三年喇！」
指藍潔瑛又入院
曾與藍潔瑛傳緋聞的曾權威表示對方最近再因精神問題入院，他說：「佢早排上大陸住，發覺有啲唔妥，返落香港，星期一入醫院。可能都係一個人住，情緒唔穩定啦，𠵱家情況都唔係好壞。」曾權威又表示不會探望對方，並說：「我𠵱家資助佢都少咗，冇以前咁多。」曾權威昨在電話中透露藍潔瑛入住大埔醫院，又謂已派工人送湯水給她，但記者走訪大埔醫院精神科，卻無藍潔瑛的登記紀錄。
採訪：楊潔雯、卓寶花
攝影：仇志德
