蘇丹紅毒蛋搞到人心惶惶，有人擔心以後仲點整蛋糕西餅呀？唔使慌！資深酒店西餅師傅Sunny話，芝士蛋糕冇蛋加鮮奶同樣軟滑；Tiramisu唔用手指餅就連蛋都唔使啦；甚至蘋果批同凍餅，冇蛋一樣掂。今日一於踢走雞蛋，鮮奶大晒，整餅樂趣返晒嚟。記者：劉昱蘭 攝影：何家亮
曾任富豪酒店糕餅總廚，酒店工作23年後，現投身明愛、毅進、教育學院等教授整餅入廚樂。醉心於弄甜點的工作，整中式甜品亦十分拿手。
健康豆腐芝士蛋糕
需時︰30分鐘
材料：淡忌廉/豆腐各150克、忌廉芝士100克、糖60克、鮮奶50毫升、魚膠粉10克、水50克、牛油紙1張、消化餅碎80克、溶化牛油40克
做 法
咖啡無蛋Tiramisu
需時︰30分鐘
材料︰咖啡少許、牛油紙1張、消化餅碎80克、溶化牛油40克、淡忌廉150克、意大利Mascarpone芝士120克、鮮奶50毫升、糖60克、魚膠粉10克、水50克、朱古力粉適量
做 法
1.餅底做法同上，然後在餅上再掃上一層咖啡。
2.芝士、鮮奶及糖一起拌勻至軟滑。
3.加入開好的魚膠粉攪勻，再倒進打至7成硬度的淡忌廉拌勻。
4.把拌勻的材料倒進以餅底墊底的餅模，放入冰格15分鐘，凝固後取出撒上朱古力粉即可。
軟滑藍莓凍餅
需時︰30分鐘
材料︰牛油紙1張、消化餅碎80克、溶化牛油40克、淡忌廉200克、藍莓醬130克、鮮奶50克、糖60克、魚膠粉10克、水50克
做 法
1.餅底做法同上。用30克的藍莓醬與鮮奶、糖及魚膠粉混合。
2.加入打至7成硬度的淡忌廉，向同一個方向推勻；方向不同會攪得唔均勻。
3.把拌勻的材料倒進以餅底墊底的餅模，放入冰格15分鐘至凝固，最後在凍餅面掃上剩餘的藍莓醬即可。
金寶脆脆蘋果批
需時︰40分鐘
材料︰淡牛油80克、糖粉40克、麵粉110克、蘋果2個、提子亁30克、肉桂粉3克、糖80克。脆脆粒︰淡牛油/糖粉各40克、麵粉80克
做 法
1.主材料中的淡牛油、糖粉及麵粉拌勻後用手搓好，放在蛋糕模內墊底。
2.蘋果去皮切片，與肉桂粉及糖拌勻，放在批底上排成弧形，加入提子亁。
3.脆脆粒以淡牛油、糖粉及麵粉搓成粉狀，撒上已排好的蘋果上。焗爐預熱10分鐘至200℃，放批入內焗25分鐘即成。
點解整西餅要加蛋？
西方人整餅鍾意加隻蛋，貪佢可以令芝士變得更軟滑，個餅又有啲淡黃色靚啲，而且雞蛋營養豐富，加咗確係好食又有益。但其實都唔係冇蛋唔得嘅，好似今次做嘅幾款餅，搞搞新意思，用鮮奶同樣可以令芝士滑嘟嘟；掃層咖啡、或者落多啲藍莓，食起嚟味道同樣濃郁；甚至好似個蘋果批咁，根本上就唔使蛋都焗得起，只要牛油份量提升少少就OK。咁講法，仲使乜驚「壞蛋」充斥，我哋整唔到餅喎！
超市資料
a.華潤萬家（馬鞍山）
沙田馬鞍山富安花園商場1樓
26440796
b.百佳（馬鞍山）
沙田馬鞍山廣場3樓343至363號舖
26310145
c.惠康（馬鞍山）
沙田馬鞍山新港城中心3樓3066號舖
26303582