楊紫瓊前晚戴上近2,000萬鑽飾為珠寶品牌擔任剪綵嘉賓，她笑着承認已收法拉利總監男友JeanTodt送的求婚戒指，有計劃結婚但婚期保密。她又表示最近在挪威拍攝荷李活電影，全憑意志於零下20度的氣溫生活了一個月，感受大自然的威力。
楊紫瓊（Michelle）前晚身穿Gucci火紅晚裝裙，戴上近2,000萬元鑽飾，以剪綵嘉賓身份出席法國珠寶品牌Boucheron於中環文華東方酒店開幕活動。Michelle與法拉利總監男友JeanTodt曾經被踢爆於康城購買Boucheron訂婚鑽戒，故此請她為新店剪綵十分適合。
挪威拍戲非人生活
男友JeanTodt最近於馬來西亞獲頒賜拿督勳銜，問Michelle會否生BB結婚慶祝，她笑笑口不想多談說：「嘩！未得，到時先話你聽，總之我哋𠵱家一齊好開心，順其自然，已經有計劃，不過唔會同你哋講。其實佢求過婚，戒指都收咗，不過等吓先會結婚。」
此外，Michelle表示剛於挪威拍完荷李活電影《TrueNorth》，她說：「挪威真係好凍，唔係用『生活』嚟形容，係用『生存』，嗰度零下十幾二十度，凍嘅感覺係bitingcold，『咬』住你咁凍。佢哋啲天氣一時落雪，一時落冰，我喺隻船度住咗成個月，瘦咗兩、三公斤，冇電視、冇上網，好平靜，不過融雪時好似海嘯咁恐怖，啲工作人員仲話撞到北極熊。」
此外，曾經向傳媒自爆暗戀李嘉欣的眼科醫生林文傑也在場，他不時想行近楊紫瓊搭訕。
採訪：JessicaNgan
攝影：RickyIp
