雖然現時香港機迷擁有PS3數量唔係咁多，但遊戲方面，亦陸續推出，今個星期SCEH就返咗隻《ResistanceFallofMan》，屬於第一身射擊遊戲，有咁靚畫面，射唔中無得抵賴！
記者：許福合
高清畫面+高科技武器
PS3首要賣點梗係高人一班高清畫面，《ResistanceFallofMan》除咗有一個靚絕視覺效果外，亦有助提高玩家戰績，因為以往畫面受機能所限，好多時唔能夠顯示精細畫面，要知有時射中頭同射中腳，效果已經有好大分別。《ResistanceFallofMan》除基本機槍同手榴彈外，仲有好多高科技武器，遊戲內專登為武器加上既真實又型爆視覺效果，配合靚場景，大部份遊戲畫面就同CG無咩分別，淨係睇都係享受！
支援多人連線
敵人AI智能亦會相應提高，「決定」時會更有效率，令到戰況會更接近真實環境，玩家基本策略係利用武器、活用地形，更重要係定下戰略，尤其當對付數量多而細小敵人，或身形巨大敵人，更不能不提係上網對戰，可參與人數多達40名玩家嘅大型戰場，挑戰世界各地不同高手，玩法從混戰到團體戰都有，成績好嘅玩家仲可以獲得排名同稱號，夠晒威水！不過各位要留意，若想上網連線對戰，就必須購買行貨，官方講明網絡對戰不適用於水貨。
Profile
主機：PS3
開發：SCE
類型：射擊
售價：$388
查詢：SONYHK（23452966）