楊千嬅與側田昨日到位於太子的香港保護兒童會出席「KFC真心分享慈善Party」，千嬅表示十分憎恨虐待兒童的人，她說：「之前有人罰個仔裸體遊街，呢啲行為真係好衰，我好憎人打細路，咁做會令小朋友留下陰影。」千嬅指其父母只會向她講道理，她說：「我阿爸頂多都係罰我出門口企，嗰次係因為我上堂偷飲汽水，佢最勁一次係同我講咗幾日道理。」
「所有頒獎禮都去」
對於有推測指容祖兒會連續四年奪無綫《勁歌金曲》「最受歡迎女歌星」獎項，問及千嬅會否覺得因為轉公司而令其奪獎機會降低，她說：「每個藝人都會有一本攻略同埋去選擇自己嘅路，不論祖兒、何韻詩或者其他人得獎我都會戥人開心，我自己試過得獎又試過坐幾年冇獎，總之所有頒獎禮我都會去。」
此外，側田入圍商台「叱咤我最喜愛的男歌手」最後五強，他表示入圍已十分開心，又說：「我冇諗過會得獎，入圍仲開心過得最受歡迎男歌手，因為呢個獎係樂迷投票，表示有人支持自己。」
採訪：李珮洳 攝影：葉君海
