賭王何鴻燊一直恨與白雪仙合唱粵曲恨到出面，繼去年公開表示希望與仙姐結台緣後，前晚他往欣賞粵劇《帝女花》，並捐出300萬予任白慈善基金時，即借機舊事重提，可惜同場的仙姐卻大派檸檬說：「冇佢咁好精力同魄力！」
由仙姐白雪仙親任藝術總監、雛鳳鳴合演的任白戲寶《帝女花》，前晚在灣仔演藝學院展開第二輪公演首場，出席者計有民政事務局局長何志平、賭王何鴻燊和八姑娘何婉鴻等，久未露面的李若彤也偕母捧場，李嘉欣和黎明則分別送上花籃祝賀雛鳳鳴演出成功。
望學生青出於藍
剛度過85歲生日的賭王，前晚捧場之餘，還捐出300萬予任白慈善基金，由仙姐代為接收支票，賭王說：「仙姐一路推動粵劇，我前一日先至出席京劇活動，今日就支持粵劇。我好鍾意聽粵劇，成日跟住唱，又為慈善表演過，仲唱過南音，有機會我都好想同仙姐合唱吓！」
其實賭王不止一次透露想跟現年80歲的仙姐合唱一曲。去年他出席《西樓錯夢》慈善公演時，也表示恨與仙姐合唱，可惜仙姐沒多大反應。前晚記者將賭王意願告知仙姐時，仙姐仍然反應不大，只笑笑口說：「冇佢咁好精力同魄力！我識佢好耐，知佢好鍾意聽我唱歌都好開心！」
今年是仙鳳鳴成立50周年紀念，問仙姐將如何慶祝？她說：「當然開心啦，到時或者同演藝界、文化界飲吓酒食吓嘢，希望粵劇界愈嚟愈旺，好似燦爛嘅花咁，永不凋謝，希望學生更青出於藍。」續問到《帝女花》會否加場時，仙姐表示要視乎兩位徒弟龍劍笙（阿刨）和梅雪詩（阿嗲）的演出及場地是否許可才決定。
採訪、攝影：卓美娟
