郭富城的緋聞模特兒女友熊黛林昨日身穿低V性感LV服裝，並佩戴由DTC贊助、價值50萬元的珠寶，到中環ArmaniBar為she.com擔任頒獎嘉賓，行頭厲害過不少名媛如何穎雯和李茂琪等。
熊黛林更獲安排頒發最受推崇代言人獎，得獎的正是其緋聞男友郭富城代言的護膚品牌Clarins，最後由品牌代表上台領獎。記者即笑熊黛林應該代男友領獎，她笑說：「點解要咁？若然佢嚟，我都唔會尷尬。」問熊黛林城城有否送鑽飾給她，她說：「點解要送？拍拖只係人哋嘅傳聞。」
「內地模特兒好獨立」
談到早前有報道列出模特兒的飯局肉價，熊黛林說：「冇人問過我，都冇聽過呢樣嘢，喺內地直頭冇可能，因為喺內地工作嘅模特兒好獨立，呢件事唔會發生喺我身上。」問到她多少錢才肯出席飯局，她說：「幾多錢都唔會接受，用錢去買飯局係一種侮辱。」記者笑言是否城城不批准去飯局，熊黛林說：「佢唔會講呢啲嘢。」
採訪：吳天慧
攝影：陳慧安
