早前有雜誌大爆名模的富豪飯局價，眾女模反應不一。當中被傳高價25萬的貝安琪前晚在灣仔出席首映時，初時一度開心笑着接受，原來她誤以為「飯局價」是指廣告身價，了解後即時黑面拒絕，揚言無法接受與陌生男人吃飯。
電影《新鐵金剛智破皇家賭場》（CasinoRoyale）前晚在灣仔會展舉行首映禮，由鐘錶名牌Omega贊助，故品牌代言人任達華和方力申均有捧場，還與名模貝安琪和熊黛林上台玩估啤牌大細遊戲，最後兩位男士竟不敵女將。
父親似占士邦
貝安琪笑言其外籍父親與占士邦（JamesBond）外形相像，個子高大，藍眼睛，相當吸引女性。談到早前有雜誌刊登名模飯局價，貝安琪位列高價25萬，她聞言開心地說：「係咩？OK喎！」其母劉香萍竟然也大表興奮說：「多謝大家咁錫我個女。」
原來兩母女以為是指廣告身價，經過記者解釋後，貝安琪即不悅地說：「我係一個專業嘅模特兒，聽到呢啲當然唔開心啦，總之我冇出席過呢類活動，都冇人叫過我去。」問她若然有人用25萬邀請她吃一餐飯，會否有興趣？貝安琪即搖頭說：「我唔會同陌生男士食飯。」
被囡囡讚靚仔
任達華則透露太太琦琦在北京行騷，笑指老婆「拋夫棄女」，現在湊女重責落在他身上，他說：「我噚日帶個女去上堂，我一直負責教佢廣東話，點知噚日囡囡無端端同我講：『Daddy,youarehandsome!』（爹哋，你很英俊）聽到我心都甜晒，幾攰都掃晒。因為佢平時對住媽咪多，只係識講：『Youarebeautiful!』（你很漂亮）他又透露正趕拍兩部電影，但聖誕會放三天假，他說：「我特登向電影公司借部噴雪機，喺後花園草地營造白色聖誕，我仲買定一套聖誕老人衫嚟𠱁囡囡㖭。」
採訪：MaKinWah
攝影：ChanChiLam
