老實說，要將手機打入女性市場，手機內置一大堆周杰倫MV和相片就最好喇。摩記都係咁話，所以E6就將Jay化身成國語長片的武林高手，傳授神功秘笈，教一眾fans點用手機的功能。周杰倫仲使出一個電死人的表情，fans仲唔乖乖哋換手機？
記者：馬靜兒
攝影：陳陶鈞
用手機錄下音樂idea
跟阿Jay做訪問影相，問佢E6點？他即時用手機播放《本草綱目》的MV，一邊影，一邊很投入的搖晃身體，仲叫我哋睇吓佢首MV。
「手機播歌音色好，畫面靚。」
記：「做得手機代言人，阿Jay，你對手機有何特別要求？」
Jay：「畫質和音樂對我最重要。我有點自戀，特別喜歡用手機看自己的MV，用這手機播很順暢，音質好，畫面好。（如阿Jay說，畫面清晰度很高，聲音質素都不俗。）」
記：「你會用手機跟家人或朋友拍照嗎？」
Jay：「會，我喜歡用手機拍吓助手、化妝師的相。他們不帥，但有味道！」
記：「你創作音樂時，會否用手機的錄音功能錄吓你的idea？」
Jay：「會，有時到日本做宣傳，不在台灣，經常會用手機的錄音，錄吓自己想起來的音樂。」
1G卡內必睇短片：文房Ｅ寶
內內外外都是Jay
用得周董做代言人的E6，當然內內外外都找到他的影子，拉開包裝盒，就有Jay出現，Fans見到即叫！最重要是跟機送的1GB記憶卡，內容是阿Jay的《本草綱目》的ＭＶ和《我的地盤》鈴聲，仲有11款周董的Wallpaper。不過，最過癮還是阿Jay扮演武林高手，教你神功秘笈，仲分四個章節。背景是黑白的國語長片feel，講他爬上簷篷，用手機偷拍高手練武，身手敏捷，又用手機鏡頭支援電腦玩視像，仲教埋師傅拍片，其實都係想教大家手機各種功能。阿Jay自己都說：「宣傳應該幽默一點，現有很多小朋友都用手機，這個神功秘笈應該可以吸引他們。」雖然秘笈內功夫是有專人設計，但加埋Jay好似好認真，又好似好型的表情，幽默兼到point，好過睇說明書好多！最重要有阿Jay睇嘛！
第二必睇：神功偷法
手機玩塗鴉
E6音色和畫面質素一如阿Jay說，很好，無跳格，好流暢，但我就喜歡手機的圖像和編輯功能，可以在相片上玩塗鴉，又可以在手機裁相。平日工作又可以用手機的名片識別功能，影一影卡片，就將資料入晒落手機，方便平日工作。輕觸式螢幕都幾方便，只嫌影相無自動對焦和內置閃燈，自拍無咁靚。
細睇E6神功
MOTOROKRE6
模式：GSM三頻
尺寸：111x51.5x14.5毫米
重量：121克
通話/待機時間：300-420分鐘；190-235小時
Function：
－200萬像攝像頭，可全屏拍攝，8倍數字變焦，可作網路攝像頭。
－支援RealVideo、H.263、MPEG4格式。
－內置MP3播放器及FM收音機，可連續播放15小時。
－支援MP3、AAC、ACC+、WMA、RealAudio、WAV、MIDI等。
－支援2GBSD卡。
－名片掃描器、POP3電子郵件支援PDF、WORD、Excel及PPT等格式。
－連接身歷聲藍芽、USB2.0EMU、3.5mm耳機插口。
