黃聖依同周星馳嘅星輝公司合約官司未解決，最近有指佢私下同那英家姐那辛簽唱片合約，咁都未夠，又有消息話那辛利用自己建立多年嘅關係，專程拜會無綫高層，想將黃聖依喺香港嘅經理人事務交晒畀無綫負責，突破星爺公司封殺。星輝公司發言人魏先生話：「我冇聽過呢件事，亦唔相信無綫咁大個台會咁做。」無綫嘅樂易玲都話：「冇傾過，唔知有咁嘅事。」