古巨基前晚舉行音樂會，男女照冧，他與鄭融拖手合唱，竟問她是否「濕晒」，其後又表示其實有機會做王菀之的緋聞男友，最後還對着方力申唱情歌，更指着對方唱「愛你」，嚇得小方立即彈開。
古巨基前晚在灣仔會展舉行「新城唱好古巨基夢想共和音樂會」，請來鄭融、方力申、王菀之、張繼聰及EO2任嘉賓，鄧穎芝及裕美則往捧場。
基仔與鄭融合唱《滾》時扮完鬧交又拖手，鄭融說：「第一次同基仔合作，以為拖唔到手㖭。」出名多手汗的基仔笑說：「係咪濕晒呢？」惹得全場大笑，基仔續說：「鄭融細細粒，其實入面好熱，因為有團火，係愛音樂嘅火，都包得好大㗎。」事後鄭融說：「真係好濕，我手背掂到佢已濕咗。」
跳舞慢半拍
至於王菀之就為基仔彈鋼琴伴奏，基仔謂二人早相識，若不是張敬軒，他可能是王菀之第一位緋聞男友。他說：「佢唔搞自己張碟都作兩首歌畀我先，真係無以為報，佢對人好有心。」冧完女仔冧男仔，基仔與小方合唱囗蘭的《MyLoveMyFate》，兩男合唱此曲感覺奇怪，唱到歌詞「愛你」時，基仔竟投入地指着對方，小方作狀彈開迴避。組合EO2與古巨基就一同又唱又跳，基仔舞步慢半拍，但反應就甚快，Eric凌空翻觔斗跣腳險些跌落台，幸基仔及時拉住。
否認為爭獎
問基仔頻密舉行音樂會是否為爭獎鋪路，他說：「其他歌手都有幫唔同媒體做騷，同獎無關。」談到他沒有出席楊千嬅日前舉行的告別宴，他說：「我要綵排去唔到，有傳短訊畀佢。」
此外，鄭融被雜誌指因與緋聞男友劉浩龍分手，要搬回父母家住，並指她寂寞放狗，她解釋說：「嗰日收工撞見菲傭放狗先跟埋去幫手。我鍾意返屋企住，乜都方便，𠵱家覺得屋企好啲。」鄭融自稱一直沒有拍拖，故再見劉浩龍也不會尷尬。
採訪：駱華齡
攝影：陳偉權
