周麗淇向與胞姊周汶錡同住，她昨日透露有一男一女捧着生果籃，到二人60多歲母親的寓所外表示要送禮，周母開門後，對方即衝入屋，不停以手機拍照，周母猛問對方影甚麼，並揚言要報警，混亂間對方手機一度掉下，最終遺下手機電池，二人逃去後，周母即時報警。
「手段卑鄙」
周麗淇昨在將軍澳電視城談及此事時十分勞氣，因母親有高血壓，故需即時入院檢查身體，她說：「都唔知係記者定賊，屋企冇損失，我做藝人就話冇辦法，唔好搞我家人，送生果籃嘅手段真係好卑鄙，仲擅闖民居。」周麗淇所屬的BMA昨晚發表聲明，表示會保留追究權利。
至於周汶錡昨晚出席廚櫃活動時就說：「真係好卑鄙，好似打劫。我媽咪又唔係娛樂圈人，其實我都係普通人。」問她會否搬屋避狗仔隊，她說：「邊度可以搬得咁多，唔通請多十個保鑣？今次報警係保障自己私隱，都希望大廈保安可以嚴密啲。」
採訪、攝影：王崇穎、顏英儀