多情無罪，但一腳踏三船，卻隨時在愛海翻艇。自言有三個女朋友的商人iamkingsir在she.com留言，表示聖誕節在即，如何分配時間與三個情人安然過聖誕，令他費煞思量。
網友怒斥人渣
他說，阿一及阿三均以為自己是「正印」，阿二則只知他已有女朋友，卻不知他一拖三。他透露去年未認識阿三，「一個約早啲，一個約夜啲就得，𠵱家多咗個都唔識點編排。」
iamkingsir夫子自道，三個女友年齡介乎17歲至23歲，拍拖半年至3年。有人教路稱，聖誕節有24、25、26日三日假期，每日陪一個女友剛好；他卻始終難以解決煩惱，「就算過到12月，仲有除夕，又有情人節，計來計去都夾唔到，前幾個月其實仲有一個，好在分開咗，唔係仲大鑊！」
其他網友指摘他花心，甚至怒斥他是人渣；他自辯稱：「我只係多情，唔係玩佢哋，真係好愛佢哋……我唔捨得離開佢哋。」不過，他前言不對後語露出馬腳，「講真，有好嘢埋嚟，你哋係男人會唔會唔要？香港女多男少，男人喺香港真係好吃香。」