「呢單案已經過咗10年，作為一個失去咗女兒嘅母親，我的心情都已經平復，嗰個兇手減唔減刑、坐唔坐監都已經冇所謂，我已經寬恕咗佢。」女死者吳婉桃的母親，形容自己從兇案揭發後的那一天開始，就不斷告訴自己要學會怎樣忘記，但過了整整10年，發現女兒仍活在她的心中。
「女兒去世嘅頭一、兩年，我好辛苦，成個人好似崩潰咗。我不斷去教會禱告，而為咗好好生活落去，我將女兒嘅所有物件，全部捐咗畀慈善機構。」
骨灰藏在床底
吳太昨晚在住所向記者說，這麼多年來，她唯一不捨得丟棄的，就是女兒的骨灰，她將骨灰藏在床底，並且明白到作為一個母親，10年來努力去忘記自己的女兒，原來是一件更辛苦的事。
「我從來冇見過佢（兇手）一面，當年我淨係知道佢得16歲。」吳太說，她和丈夫育有三名女兒，在女兒的成長過程中體會到青年人處理感情問題容易衝動，失去理智。「法庭判咗佢坐監，我亦都寬恕咗佢，我只係希望佢明白，佢一時嘅衝動，冇咗一條人命，亦都傷害咗好多好多人。」
心情已經平復
吳太含着淚水向記者說：「其實，我嘅心情已經平復，所有嘢都已經冇所謂，希望佢（兇手）有一日離開監獄，唔好再做傷害他人，學習做一個對社會有貢獻嘅人。」
本報記者