祖雲達斯喺意乙只係少榜首嘅拿玻里1分，睇落前景一片光明，但中場大將尼維特因聯賽腳踏熱拿亞球員被逐，仲被罰停賽5場！尼維特出名脾氣好，但發起茅上嚟唔係人咁品，佢以前踢意甲都試過出事，或者嗰陣祖記「唔惹得」，所以冇罰得咁甘，𠵱家去到意乙當然一視同仁，加埋一隊8件傷兵，祖記都危危哋㗎！