香港地街頭騙案無日無之，相信不少市民也遇過「呃車錢黨」，正義的schgirl日前在街上又碰到臭名遠播的騙徒，這次他火速行動拍下騙徒樣貌，並在網上公開照片，騙勻各區的呃車錢肥婆真面目終於曝光！
於旺角地鐵站出沒
「先生（或小姐），有冇廿蚊借畀我搭車呀？」schgirl稱這對白似曾相識，正是肥婆行騙的開場白。他說自己曾被騙，不少友人也中招，「本着有好嘢就一齊分享嘅精神，同埋為免有人再中招，所以post出嚟同大家分享。」他說綜合受騙親友資料，這名肥婆多在旺角地鐵站附近出沒，旺角中心、家樂商場、沙田新城市廣場、梅窩都有其現身的紀錄。
騙徒樣貌曝光，原來唔少網友對佢有印象，有人說曾在馬鐵沙田圍見過她搵食，multi_crab稱在沙田被她睇中，「佢要我畀20蚊佢搭車，我話只可以畀兩蚊佢，佢唔要。」smile3是受害人，「我畀咗10蚊佢，轉頭見佢買雪糕食。」