名模周汶錡（Kathy）前晚出席鑽飾活動，對於有指她任旅遊領隊帶團到日本有偷工減料之嫌，她表示絕沒有貨不對辦，更謂做領隊不是全日24小時與團友一起，而且團友都盡興滿載而歸。
名模周汶錡前晚在中環OnPedder，出席攝影師夏永康（WingShya）與友人MartinYeung等合資的RockyCandy首飾活動，顏穎思也捧男友MartinYeung場，但二人卻刻意迴避。
「冇貨不對辦」
有報道指Kathy早前以永安旅遊領隊身份帶團到日本偷工減料，她沒好氣地說：「啲雜誌亂寫，我係第一次以團長身份帶團傳授扮靚course，絕對冇貨不對辦，佢哋（指團友）都玩得好開心，自己都冇可能一日24小時陪住大家瘋狂購物。」問聖誕將近，她安排了甚麼活動跟男友Julien度過，她說：「都會同埋朋友食飯一齊過，唔需要特登買禮物。」
執相要通知
此外，早前攝影師LesileKee違反誠信，沒經同意刊登及展出許志安幾乎全裸的照片，以及用電腦執走郭富城的泳褲，變成他僅以牛仔褲遮着重要部位的相片，身為同行兼好友的WingShya不願正面批評說：「我同佢係多年朋友，佢出呢本書都特登送咗本到上海畀我睇，啲相影得好好，都係偉大貢獻，用咁短時間影成300個藝人。至於執相嘅道德問題，我唔會問佢呢啲嘢，我淨係睇相，不過如果執相都應該通知對方。」
採訪、攝影：JessicaNgan
