香港氣候反常，繼最熱10月後，剛結束的11月又破紀錄，成為有史以來最熱11月，有心水清的網民查看天文台紀錄，發現去年12月5日天文台發出了首個寒冷天氣警告，溫度跌破15度，反觀今年12月氣溫還維持在20度以上，有網民慨歎：「冬天不再，香港正偏向非洲氣候？」
根據天文台天氣預告，本周溫度依然維持平均20度以上，最高更可能達25度，網民金寶湯表示：「12月都仲25度？真係反常咗啲喎！」oisam戲言：「我諗聖誕會有好多人到海灘過冬。」有網民則心痛冬裝無法登場，miman說：「黐線，想着靚啲都唔得！」
有專家指氣候反常因為都市人大開冷氣導致溫室效應，不過有網民一於少理，kityau就表示：「我𠵱家仲開住冷氣，真係一啲都唔凍。」怕凍網民JAM更為冬天不冷而高興：「好嘢，就嚟唔使好凍喇！Ilikeit！」